На 19 јули 2011 година се упокои архимандрит Арсениј Папачок, еден од најголемите романски духовници во втората половина од ХХ век.

Роден е на 15 август 1913 г. во Мислеан, село во јужна Романија. По Втората светска војна стапил во манастирот Козиа, а монашки постриг примил во манастирот Сихастриа. Подоцна станал игумен во манастирот Слатина.

Заради прогонот од комунистичката власт, неколку години како пустиник живеел со познатиот романски старец, отец Клеопа Илие. Уапсен е 1958 г., а од затворот излегол 1964 г. За тие години старец Арсениј раскажува:

„Заради учествување во движењето «Несогорлива Капина», Василиј Војкулеску, Думитру Станилоае, Александру Миронеску и сите други добија по 15 години, а мене ми дадоа 40. Прво ми беше смешно, затоа што насекаде кон мене се однесуваа како кон страшен убиец. Во Жилаве еден капетан, кога ме расоблекуваше и ме стрижеше, праша: «Еј, а ти заради што си осуден?“ –Па, за ништо!» – му одговорив. «Слушај, ако ништо не си направил, ќе ти дадеа 10–15 години, а не 40…“ Ете со какви си имавме работа. И меѓу нив, меѓу тие што те расоблекуваат, што те убивааат – важно беше да го чувствуваш своето присуство пред Бога.“

Во 1976 г. е поставен за духовник на женскиот манастир Техиргиол, каде и се упокои и каде што го погребаа на 21 јули.

Првото видео (македонски титлови) е краток извадок од разговор со него за молитвата, а во второто видео (англиски титлови) отец Арсениј продлабочено и продуховено зборува за смирението, страдањето, (себе)жртвувањето…

Путь к Старцу
Русија, 2004
Tраење: 27 мин.
Титлови: Македонски
Филмот е снимен по повод 10-годишнината од упокојувањето на старец Паисиј Светогорец (Езнепидис).

Путь к Старцу [2004 DVDRip].torrent

Македонски титлови: Путь к Старцу [2004 DVDRip].srt

Блажениот Старец Паисиј (крштелно име Арсениј Езнепидис) се родил на 25 јули 1924 година (по стар стил) во населбата Фараса, во Кападокија (Мала Азија). При Размената на население (во 1924 г.) како дете бил однесен во Грција. Неговите родители се населиле во гратчето Коница, каде идниот Старец израснал и стекнал основно образование.

Уште од детски години Арсениј живеел како подвижник. Тој се насладувал со читање на Житијата на Светите, упорно, со извонредна  ревност и со зачудувачка бескомпромисност стремејќи се да ги подражава нивните  подвизи. Тој се оддавал на постојана молитва и истовремено се трудел да развие во себе љубов и смирение. Како момче го изучил дрводелскиот занает, сакајќи и во тоа да биде сличен на Христа. Кога во Грција почнала Граѓанската војна (1944-1948), Арсениј Езнепидис бил повикан во армијата, бил определен на специјалноста врскар и три и половина години ѝ служел на татковината. Во армијата тој го продолжил подвижничкиот живот, одликувајќи се со смелост, самопожртвуваност, висок христијански морал и разновидна надареност. Continue reading →

Во емисија на радио Светигора, од циклус посветен на „апостолот на православието во Америка“ – јeромонах Серафим (Роуз) можете да чуете за трагањата во неговата младост (од книгата на јеромонах Дамаскин (Кристенсен), “Не од овој свет.”)

Во летописите со делата од современите подвижници на благочестието особено место заземаат подвизите на свети преподобен Серафим Вирицки: Најблагочестив православен лаик, кој по послушание се подготвувал за монашки живот под раководство на искусни духовни учители во текот на 40 години; монах исповедник кој го примил монашкиот постриг во годините на отворени гонења и за шест години го поминал патот од послушник до духовник на најголемиот Руски манастир, под чија грижа се наоѓале повеќе истакнати јерарси на Руската Православна Црква; голем старец кој на дело го исполнил светоотечкиот завет: “Стекни мирен дух и тогаш илјадници души ќе се спасат околу тебе…” – тоа се основните етапи на животниот пат на свети Серафим Вирицки. Continue reading →

Меѓу Божјите слуги на современа Грузија е и јеромонахот Гаврил (крштелно име: Ургебадзе Годердзи Василиевич), духовен отец, жив печат на историјата на Грузиската Црква. Роден е на 26 август 1929 година вo Тбилиси. Живеел како алка во ланецот за да ја продолжи непрекинатата низа сведоштва за светлината (Јн. 1,7) во најтмурните години на страдалната Грузиска Црква, чија историја, како ретко која друга меѓу Православните Цркви, била непрекинат мартирологиј, постојано маченичко сведочење за трајното присуство на Христос Исус во Неговата Црква, овде на земјата. Continue reading →